書聚 2017-04-22

Published on: February 23, 2018Author: adminComment: 0

「人、酒、書、地、食，全部都好正（心心）」。Whatsapp group傳黎書友對今日書聚嘅感受。

當我地打開門，nuts、杯、餐具已經擺最係檯面，即使屋主臨時要返公司做嘢，仍然無忘記今日嘅書聚、照顧書友嘅需要，真係要感謝Helen開放私竇作為書聚場所。

兩支唔同風格嘅紅酒、一大堆嘢食，唔洗多講，自然會有書友帶黎，呢種算唔算默契呢?

當然唔少得書啦，今日分享左幾本好書:

Stumbling on Happiness: 呢本係一位好出名心理學家 – Daniel Gilbert寫嘅書，人係呢一刻想像自己將來得到 / 做到某D事情就會開心，但到頭黎發現實現後並無之前想像咁開心喎，我地係咪畀當下嘅感受影響左判斷呢?

原爆者: 係一本講創業嘅書，創業者到積累人脈、要行動、要逐步嘗試。正如書中例子，想拍片，可以先拍廿分鍾，累積左經驗，終有一日有能力拍一套完整嘅影片。書友期望從書中得到動力去實現自己嘅計劃，希望佢成功啦。

向人生提問的藝術: 有D問題平時唔會去注意，但唔代表唔值得去諗。書中羅到左一大堆值得去思想嘅問題，例如: 人地稱讚你時，你自然開心啦，咁你會唔會因此而改變你對其他人嘅態度(多左稱讚人地)?

叫魂—乾隆盛世的妖術大恐慌: 乾隆盛世時，發生左「叫魂」事件，並漫延至12個省。作者透過叫魂事件分析左清朝時管治嘅問題，係一本值得一睇再睇嘅史書。

今日仲討論左品酒、歷史、金錢、宗教等問題。